Spjallverslun og notkun gervigreindar

BL býður viðskiptavinum að versla vörur á bl.is í gegnum Spjallverslun, þar sem gervigreindarstutt spjallkerfi er notað til að veita upplýsingar um vörur og aðstoða við kaupferli. Notkun Spjallverslunar er valkvæð.

Gervigreindarspjallið er ætlað til að veita almennar upplýsingar um vörur og þjónustu BL og aðstoða við vöruval. Svör og tillögur sem koma fram í spjallinu eru byggð á sjálfvirkri úrvinnslu gagna og geta verið almenns eðlis. Gervigreindarspjallið veitir ekki bindandi ráðgjöf, hvorki tæknilega, fjárhagslega né lögfræðilega.

Viðskiptavinur ber sjálfur ábyrgð á vali vöru og pöntun úr Spjallverslun BL.

Samningur um kaup telst ekki stofnaður fyrr en pöntun hefur verið staðfest af BL með hefðbundnum hætti, svo sem með pöntunarstaðfestingu.

BL áskilur sér rétt til að leiðrétta augljósar villur sem kunna að koma fram í gervigreindarspjalli, þar á meðal upplýsingar um verð, framboð, tæknilýsingar eða aðra eiginleika vara. Ef misræmi er milli upplýsinga sem birtast í gervigreindarspjalli og upplýsinga sem birtast við staðfestingu pöntunar, gilda þær upplýsingar sem koma fram við staðfestingu pöntunar.

Notkun Spjallverslunar kann að fela í sér vinnslu persónuupplýsinga, svo sem samskiptagagna í spjalli og upplýsinga sem nauðsynlegar eru til að ljúka kaupum. Slík vinnsla fer fram í samræmi við persónuverndarstefnu BL og gildandi lög um persónuvernd.

BL ber ábyrgð samkvæmt gildandi lögum um neytendavernd, þar á meðal vegna galla á vörum, afhendingar og réttar til skila, óháð því hvaða leið er valin við kaup. BL ber þó ekki ábyrgð á misskilningi eða ákvörðunum sem viðskiptavinur kann að taka eingöngu á grundvelli upplýsinga úr gervigreindarspjalli, að því marki sem slíkt samræmist gildandi lögum.

BL áskilur sér rétt til að breyta, þróa eða leggja niður Spjallverslun eða gervigreindarspjall tímabundið eða varanlega og uppfæra skilmála þessa í samræmi við slíkar breytingar.